plantillas web en plantillas web
  • Residencia El Nodo
  • Residencia Santa Bárbara
  • Residencia La Tenderina
  • Residencia Llastres
  • Residencia Los Canapés
  • Residencia El Cristo
  • Residencia Clara Ferrer
  • Residencia Mixta
  • Residencia Santa Teresa
  • Residencia Pravia
  • Residencia Tinéu
  • Residencia Trisquel

AFAYAIVOS A LA WEB DE C.S.I. nel E.R.A.

CALENDARIU DEL PROCESU D'ELEICIONES AL COMITÉ D'EMPRESA DEL E.R.A.

Entamó'l procesu pa cellebrar les eleiciones sindicales el nuesu Organismu Autónomu, d'alcuerdo al calendariu que vien darréu:

(Pincha so'l documentu pa velu a tamañu completu)

Ye PERIMPORTANTE que comprobéis nel CENSU ELEUTORAL que habéis tener ESPUESTU nel vuesu centru de trabayu (nun pode publicase) que apaecéis correutamente, con nome completu y D.N.I., pa evitar torgues o imposibilidá d'exercer el vuesu drechu al votu'l 25 de marzu.

SEMEYES DE LA MOVILIZACIÓN DE GÜEI 29 DE XINERU DE 2020

Güei, 29 de xineru, concentrámonos delantre la Conseyería de Servicios y Drechos Sociales pa siguir desixiendo que se desendolquen les reivindicaciones de personal y medios que tenemos pendientes los trabayadores del E.R.A. dende fai munchos meses.

Pincha so les semeyes pa veles a tamañu completu

LA CONCENTRACIÓN NA PRENSA REXONAL:

La Nueva España:
El Comercio:

Pincha so les captures pa dir a la noticia correspondiente nas webs de los diarios rexonales.

XUNTANZA INFORMATIVA CON FUNCIÓN PÚBLICA

Con fecha de 23 de xineru de 2020, cellébrase una xuntanza informativa con Función Pública so'l decretu que regula l'acesu con cálter temporal de lxs emplegaxs públicxs. Ente otros puntos escláriennos los gue vienen darréu:

ESCEICIÓN DE PUNTUACIÓN POSITIVA (Artículu 4)

Los procesos seleutivos ya convocaos, siguirán como dica agora, nos convocados a partir del 10 de febreru, Función Pública decidirá si s'esceutúan o non (si hai que superar la primer preba o, como esceición, consiguir namás puntuación positiva. Sedrá tamién Función Pública quién decida la puntuación requerida y sedrá para toxs igual).

ZONIFICACIÓN

Notificaráse coles nueves zones incluyíes n'esti decretu. Saldrán publicáes les instancies y abriráse un nueu plazu'l 1 de febreru. N'estes instancias podrá escoyese tamién la opción d'elexir contratos a tiempu parcial, esta opción sedrá camudable anualmente, igual que les zones. Esceicionalmente, al ser esti un nuevu decretu, darán opción de zonificación a término d'un contratu anque nun tea abiertu'l plazu.

CESE

Cesará siempres la vacante más nueva, anque nun fuera incluida nel concursu de tresllaos, nin na oferta pública d'emplegu. Nun va haber bloquéu de nenguna plaza.

MEYORA D'EMPLEGU

Podrá ofrecese una vacante a otra vacante siempres qu'implique meyora. Si se rechaza una superior categoría NON s'espulsa de la bolsa pero nun va haber más llamamientos dica que nun camude la situación llaboral actual.

DENDE LA CSI ANÉCIASE NEL NUESU REFUGU A ESTI DECRETU (CRITERIU DE CESE, LLAMAMIENTOS…) Y PÍDESE QUE SE CONSTITUYAN BOLSES D'EMPLEGU, YA QU'AGORA NUN DEPENDEN DEL ADOLFO POSADA SINÓN DE FUNCIÓN PÚBLICA, Y ASINA FAVORECER EL EMPLEO PÚBLICO.

A última hora faise mención al concursu de tresllaos de Personal Llaboral, y retruquen que van reunirse la prósima selmana pa sacar les llistes provisionales, y que la intención d'incorporación sedría pa marzu.

Pa cualisquier dulda o aclaración, tamos a la vuesa disposición.

Par descargarte'l nuesu ENTÉRATE (en PDF)PINCHA EQUÍ

RECONOCIMIENTU PRIMER TRAMU CARRERA PROFESIONAL PA INTERINOS Y FIXOS CON 5 AÑOS D'ANTIGÜEDÁ

Resolución de 9 de xineru de 2020, de la Conseyería de Presidencia, pola que convócase'l procedimientu de reconocimientu de la primer categoría y la asignación de puntuación al personal que s'encuentra na categoría d'entrada dientru'l sistema de la carrera horizontal.

Nel BOPA de güei, 13 de xineru de 2020, espublízase la convocatoria pa solicitar el primer tramu de la carrera profesional a interinos y personal fixu con antigüedá de 5 años na alministración.

Plazu presentación:

UN MES a cuntar dende'l día darréu a la espublización d'esta Resolución nel Boletín Oficial del Principáu d'Asturies, ye dicir, dende'l 14 de xineru al 13 de febreru de 2020 dambos incluyíos.

Pa ENTERATE DE TOLOS DETALLES, descárga'´l nuesu ENTÉRATE (en PDF)PINCHANDO EQUÍ

SEMEYES DE LA MOVILIZACIÓN DE GÜEI PA DESIXIR MEYORES NES CONDICIONES LLABORALES DEL ERA

Güei, 13 de xineru, concentrámonos delantre la Xerencia pa desixir que se desendolquen, d'una vegada por toes, les reivindicaciones de personal y medios que tenemos pendientes los trabayadores dende fai cuantayá.

Pincha sobre las fotos para verlas a tamaño completo

CONVOCATORIA DE MOVILIZACIONES PA DESIXIR MEYORES NES CONDICIONES LLABORALES DEL ERA

La Nueva España:
El Comercio:

Na prensa rexonal de güei, 10 de xineru, apaez la convocatoria de movilizaciones que faen dellos sindicatos, ente ellos C.S.I., para desixir meyores nes condiciones llaborales nel E.R.A.

Pincha sobre les captures pa dir a la noticia correspondiente nas webs de los diarios rexonales.

APERTURA DE PLAZU PA CAMBÉU DE ZONA EN BOLSA D'EMPLEGU DEL ERA

Informamos que s'abre'l plazu de cambéu de zonificación en bolsa d'emplegu pa les y los trabayadores del Organismu Autónomu ERA dende güei, 10 de xineru dica'l 25 de xineru dambos incluyíos.

ACLARACIONES AL COMUNICÁU DEL COMITÉ D'EMPRESA DE 2 DE XINERU DE 2020

Aclaraciones ente'l comunicáu emitíu pol Comité d'Empresa, a día 2 de xineru de 2020, nel que se fai referencia a la Corriente Sindical d'Izquierda:

• Que'l día 27 d'avientu recibimos la convocatoria'l Comité del mes de xineru pal día 2 de xineru a les 10.00 de la mañana.

• A ello retrucamos que la convocatoria nun s'axusta al reglamentu y que la fecha que s'axusta ye'l 8 de xineru.

• El restu los sindicatos, en dellos correos elletrónicos, tán d'alcuerdo nesti puntu, namás UXT s'opón a modificar la convocatoria.

• Tres d'esto, la presidenta convoca un comité estraordinariu pal mesmu día 2 a les 9.00 la mañana col únicu puntu nel orden del día d'aclarar la convocatoria.

• A posteriori, la presidencia inclui nel orden del día dar retruque al escritu y solicitú de lxs trabayadorxs del Clara Ferrer.

• Dau que la convocatoria estraordinaria pareznos un abusu y un nun saber asumir l'erro, proponemos reuninos con lxs trabayadorxs del Clara Ferrer esi mesmu día 2, nel so centru trabayu. A esta propuesta, dedde la presidencia, nun se da retruque.

• El día 2 reúnense namás UXT y USIPA (esti caberu dempués d'haber manifestáu qu'entendíen qu'el comité ordinariu yera'l día 8) y saquen esi comunicáu.

Prúyenos señalar que dende esti sindicatu advirtióse de que la presidencia'l Comité había robláu carteleres que nun fueran robláes polxs trabajadorxs. A lo cual retrucósenos que namás se roblaren les carteleres robláes únicamente por estxs. Parez que n'esti puntu teníamos razón tal y como pode comprobase nel segundu puntu'l citáu comunicáu del día 2, nel que piden que s'anulen les carteleres robláes por erro.

La postura la CSI sigue siendo la mesma que s'acordó pola mayoría'l Comité que ye pidir la destitución de la responsable de personal por considerala interlocutora non válida ante los incumplimientos, falta información y ningunéu dica lxs representantes de lxs trabayadorxs.

Y queremos dexar pernidio que la CSI nun va negociar absolutamente nada con esa señora, tal y como aprobó'l Comité d'Empresa.

Tá visto que primen, una vegada más, enantes los intereses ellectorales particulares que los de lxs trabayadorxs.

En Xixón a 3 de xineru de 2020

Pa descargarte'l nuesu ENTÉRATE (en PDF)PINCHA EQUÍ

LA CORRIENTE DESÉYA-VOS UN PRÓSPERU AÑU 2020

NUEVA CONVOCATORIA DE CONCURSU DE TRESLLAOS DE LLABORALES

Dempués de la reunión con Función Pública pola nueva propuesta'l CONCURSU DE TRESLLAOS pa'l PERSONAL LLABORAL de la Alministración del Principáu d'Asturies, informámosvos:

•Les persones qu'hubieren participáu nel concursu, y nun quieren camudar la so eleición, nun han de facer nada, val cola documentación apurrida.

•Les qu'hubieren participáu pero deseyaren camudar la so eleición, han de presentar una nueva instancia qu'anulará la anterior.

•Les que nun participaron entós, podrán facelo n'esta nueva convocatoria.

Les places ofertaes sedrán toles vacantes qu'hubiera a fecha de la anterior convocatoria, ye dicir , que tuviesen vacantes el 19 de Mayu, y non les que s'hubieren creáu dempués d'esa fecha. Desbloqueense les places d'estabilización.

Dende Función Pública faennos saber que DE MOMENTU y salvo publicación del nuevu decretu enantes de la resolución del concursu, el criteriu de cese ye el de la vacante más antigua.

La resolución espublizase güei nel BOPA: Resolución de 5 de payares de 2019, de la Conseyería de Presidencia, pola que, en cumplimientu'l Auto del 18/10/2019 dictáu pola Sala de lo Social del Tribunal Superior de Xusticia d'Asturies, camudase'l procedimientu de concursu de tresllaos de personal llaboral entamáu por Resolución de 14 de mayu de 2019.

Plazu de presentación d'instancies: VEINTE DIES NATURALES

Par descargar la resolución espublizada nel B.O.P.A. (en PDF)

PINCHA EQUÍ (Col botón drechu'l ratón, escoyer "Guardar enllaz como..." nel menú)

LA PRENSA FAISE ECO DE LOS PROBLEMES DE LA MIXTA

El diariu rexonal La Nueva España torna, otra vegada, a facese eco de los problemes de mantenimientu de la residencia Mixta de Xixón

Un informe fala de la necesidá d'adoptar de forma "inmediata" toa una batería de reformes.

Les obres habían concluir enantes de fin d'añu pa evita'l corte'l suministru ellétricu.

Naide asumió tovía la so responsabilidá dimitiendo.

Pa ver y/o descargar la noticia (en PDF)PINCHA ESTI ENLLÁZ

MORRIÓ ADRIÁN ÁLVAREZ, ABOGÁU DE C.S.I.

CALENDARIU DE FIESTES LLOCALES D'ASTURIES 2020

Nesti enllaz podéis ver y descargar les páxines del BOPA onde s'oficializa'l calendariu de festivos llocales pal añu 2020

PINCHA EQUÍ

NUEVU GOBIERNU, VIEYES TORGUES Y UN MAL ENTAMU

ARRANCAMOS MAL, EL NUEVU GOBIERNU SUPÓN UN MAYOR GASTU QUE VA PAGASE REDUCIENDO PUESTOS DE TRABAYU PÚBLICU

La nueva configuración del gobiernu asturianu va suponer un gastu estra palos presupuestos asturianos de más d'un millón d'euros anuales, 4.800.000 euros a lo llargo los cuatro años de lexislatura.

Un gastu que va destinase a cubrir el coste de más cargos políticos y qu'anunciasenos con tou descaru que va sufragase con “reorganizaciones funcionariales”.

El nuevu Vicepresidente'l Gobiernu concretó en qué consisten estes “reorganizaciones funcionariales”. Van dexar ensin cubrir dellos puestos vacantes d'emplegaes y emplegaos públicos, lo qu'ensin dulda va tener abonda repercusión na prestación d'unos servicios públicos qu'en dellos ámbitos cuenten ya con unes plantiyes al llímite, fundamentalmente n'aquellos servicios asistenciales u atiendese direutamente a les persones, falamos de servicios sociales, del ERA, de la educación, de la sanidá, etc.

La Corriente refuga esti entamu, y asina lo traslladamos por escritu y vía rexistru a la nueva Conseyera de Presidencia y Participación Ciudadana, Rita Camblor, nueva responsable de la función pública nel gobiernu asturianu.

Pa ver y/o descargar la valoración de C.S.I. del nuevu Gobiernu'l Principáu (en PDF)

PINCHA ESTI ENLLAZ

PLAZU DE 30 DÍES PARA ESCOYER ZONES NA NUEVA BOLSA D'EMPLEGU TEMPORAL D'AUX. D'ENFERMERIA DEL E.R.A.

- El Tribunal de les prebes d'accesu a 292 places d'Auxiliares d'Enfermería del E.R.A. espublizó la LLISTA DE NON APROBAOS DEL PRIMER EXAME CON PUNTUACIÓN POSITIVA polo qu'entama'l períodu pa presentar el documentu de ELEICIÓN DE ZONES nel Rexistru. Si dalguien nun lo presentara en tiempu y forma, van adjudicase-y TOLES ZONES

Pa descargar la LLISTA DE NON APROBAOS CON PUNTUACIÓN POSITIVA (en PDF)

PINCHA EQUÍ

Pa descargar el FORMULARIU DE ELEICIÓN DE ZONES (en PDF)

PINCHA AQUÍ

A ESTI PASU, MUI PRONTO, LA ÚNICA "CORRIENTE" QUE VA HABER NES RESIDENCIES DEL E.R.A. SEDRÁ ESTI SINDICATU

L'actual estáu de deterioro al que tán sometíes les residencies del E.R.A. por falta d'un mínimu mantenimientu, pode llevanos, en pocu tiempu, al pieslle de dalgunes d'elles por carecer, por exemplo, de daqué tan imprescindible como les revisiones del estáu del sistema llétricu y la falta, polo tanto, del certificáu de la OCA correspondiente, imprescindible pa qu'el edificiu poda tar coneutáu a la rede llétrica.

Estes carencies, como abondes otres, saltaron a la prensa, para vergoña y rubor de toos. Fai tiempu que tamos denunciando esta situación, ensin llograr que nengún responsable tome cartes nel asuntu, nin siquiera nel casu más llamativu: la tovía nun estrenada Unidá de Convalecencia de la Mixta, paralizada sine die por nun pasar les inspecciones correspondientes.

Pa ver y/o descargar dellos recortes de prensa (en PDF)

PINCHA ESTI ENLLAZ

ANUNCIU DE CALIFICACIÓN DEFINITIVA DE CONCURSU Y CALIFICACION CABERA DEL PROCESU SELEUTIVU PAL ACCESU A PLACES D'AUX. D'ENFERMERIA DEL E.R.A.

- El Tribunal de les prebes d'accesu a 292 places d'Auxiliares d'Enfermería del E.R.A. fizo pública la LLISTA DE CALIFICACION DEFINITIVA DE CONCURSU Y CALIFICACION CABERA DEL PROCESU SELEUTIVU

Pa descargar la LLISTA DE CALIFICACIONES FINALES (en PDF)

PINCHA EQUÍ

CONVOCÁES PLACES DE LLAVANDER@ Y PLANCHADOR@ DEL S.E.S.P.A.

Nel B.O.P.A. del 14 de xunu de 2019, pal S.E.S.P.A. y como personal fixu estatutariu, convóquense:

21 places de LLAVANDER@

13 places de PLANCHADOR@

Pa ver las resoluciones nel B.O.P.A. (en PDF)

LLAVANDER@ PINCHA EQUÍ PLANCHADOR@ PINCHA EQUÍ

CÁLCULU DE DÍES COMPENSATORIOS POLES 35 HORES

LLISTA DE CALIFICACIONES DE LA FASE DE CONCURSU PAL ACESU A PLACES D'AUX. DE ENFERMERIA DEL E.R.A.

- El Tribunal de les prebes de acesu a 292 places d'Auxiliares d'Enfermería del E.R.A. espublizó la LLISTA DE CALIFICACION PROVISIONAL DE LA FASE DE CONCURSU

Pa descargar la LLISTA DE CALIFICACIONES (en PDF)

PINCHA EQUÍ

CONVOCÁES NEL BOPA 44 PLACES DE SUBALTERNOS

Nel BOPA'l 4 de xuno de 2019, espublízase la convocatoria de 44 places de SUBALTERNOS (Funcionarios, grupu E)

Pa descargar el nuesu ENTÉRATE con tolos detalles (en PDF)

PINCHA EQUÍ

XUNTA DE LA PERMANENTE'L COMITÉ CON XERENCIA SOBRE LA APLICACIÓN DE LA XORNADA DE 35 HORES

Los horarios retrotráense a la situación de 2012:

ENFERMERES, AUX. FIN DE SELMANA Y TURNU FIXU, PERSONAL A DOS TURNOS

Siete hores diaries, la media hora reduciráse al entrar o al salir, según alcuerden les trabayadores cola direición del centru. De mañana podrá ser de 7:30 a 14.30, o de 8 a 15. Nel turno de tarde de 14:30 a 21:30, o de 15 a 22 h.

CENTROS DE DÍA

Reduciráse en media hora diaria, que dirá axustándose col serviciu de tresporte.

Ú nun poda axustase por haber namás dos auxiliares, compensaráse en díes.

PERSONAL A TRES TURNOS

De momentu nun se camudarán les carteleres, fairáse en xineru de 2020 col personal nuevu incorporáu ya onde s'estableciera. Fairáse d'equí a fin d'añu un axuste de cartelera individual ya'l escesu de xornada resultante compensaráse en díes. Nos centros en que nun se pueda absorber el númberu de compensatorios, contrataránse acúmulos.

ESPUBLIZÁU NEL B.O.P.A. L'ALCUERDU PA LA RECUPERACIÓN DE LA XORNADA DE 35 HORES

Alcuerdo de 24 de mayu de 2019, del Conseyu de Gobierno, pol que ratifícase l'Alcuerdu de la Mesa Xeneral de Negociación de la Alministración del Principáu d'Asturies de 16 de mayu de 2019, sobre xornada de los emplegaos públicos al serviciu de la Alministración del Principáu d'Asturies, los sos Organismos y Entes Públicos

Pa ver la resolución nel B.O.P.A. (en PDF)

PINCHA EQUÍ

ESPUBLIZADA NEL B.O.P.A. LA CONVOCATORIA DE CONCURSU DE TRESLLAOS DE LLABORALES

Nel B.O.P.A. de güei, 23 de mayu de 2019, espublízase (¡a la fin!) la convocatoria de CONCURSU DE TRESLLAOS pal PERSONAL LLABORAL de la Alministración del Principáu d'Asturies.

El plazu de presentación d'instancies ye de VEINTE DÍES HÁBILES a partir de MAÑANA, 24 de MAYU.

La resolución axunta la relaición de VACANTES afeutáes por esti Concursu y la so identificación correspondiente, ye PERIMPORTANTE indicar la identificación qu'apaez n'esta Resolución. y non el qu'apaeciera en dellos llistaos anteriores, pa evitar ERRORES de difícil o imposible reparación posteriormente.

Pa escargar o lleer la resolución del B.O.P.A. (en PDF)

PINCHA EQUÍ

Pa tramitar la to instancia POR INTERNET

PINCHA EQUÍ

Pa escargar la instancia y presentala nel Registro (en PDF)

PINCHA EQUÍ(Col botón drechu'l ratón, escoyer "Guardar enllaz como..." nel menú)

XUNTANZA DE LA COMISIÓN DE CLASIFICACIÓN PROFESIONAL DEL V CONVENIU DEL 17/5/2019

Dende Función Pública presentennos la modificación del Catálogu que corresponden na so totalidá a puestos de nueva creación de Auxiliares d'Enfermería y Enfermeres del ERA, dexando fuera otres categoríes que tamién trabayen a tres turnos.

Eses places foron presupuestáes pa esti exerciciu, según les peticiones de cada Conseyería como previsión de la implantación de les 35 h.

Esti aumentu paeznos totalmente insuficiente pa cubrir les necesidáes de los centros, en dalgunos de los cuales nun aumenta la dotación. Pior tovía nel casu de los Centros de discapacitaos dependientes de la Conseyería de Servicios y Drechos Sociales, u la Administración nin siquiera consideró necesariu l'aumentu de plantiya.

Dende la Función Pública tomen nota de la disconformidá, pero falen de que nun tienen capacidá de crear nueves places, y qu'esu ya foi negociáu enantes en Mesa Xeneral. Namás nos dan la posibilidá de presentar una propuesta de redistribución de les places, cosa a la que nos ñegamos dafechu.

Comuniquennos qu'estes places nun saldrán nel prósimu concursu de tresllaos, pal que tovía nun hai fecha concreta.

Pa descargar el nuesu COMUNICÁU (en PDF)

PINCHA EQUÍ

Pa descargar la LLISTA DE PLACES DE NUEVA CREACIÓN (en PDF)

PINCHA EQUÍ

RELLACIÓN DE RECLAMACIONES, QUEXES Y DENUNCIES REALIZÁES POR C.S.I. NOS CABEROS TIEMPOS

Nos caberos tiempos, dende la seición sindical de C.S.I. nel E.R.A. llevamos a cabu un duru trabayu de CONTROL de gastos, pagos, obres, escaecimientos, contratos, empreses esternes, etc. asina como vixilancia de que se cumpla, pa toos, la llegalidá vixente en materia de seguridá y de condiciones de trabayu.

Traemos equí, pa que toos podáis conocelos, una coleición de les reclamaciones, quexes y denuncies que ante dellos estamentos, como la Xerencia, la Conseyería, la Inspección de Trabayu y otros, interpusimos, asina como los informes que, nel so caso, sirvieron pa fundamentales.

Pa ver y/o descargar LOS DOCUMENTOS (en PDF)

PINCHA ESTI ENLLAZ

¿QUÉ SUPÓN SER INDEFINÍU NON FIXU NES ALMINISTRACIONES PÚBLIQUES?

Ficimos un ENTÉRATE en respuesta a les dudes y preguntes más frecuentes sobre lo que supón el reconocimientu de la condición d'indefiníu non fixu:

- Orixe y evolución.

- ¿Qué ye? ¿Qué drechos tien?

- Entrugues más frecuentes.

Descarga o llee tola información nel nuesu ENTÉRATE (en PDF) pinchando:

EQUI

CONVOCATORIA DE 24 PLACES DE TRABAYADOR/A SOCIAL

Nel BOPA del 11 de febreru de 2019 convóquense 24 places de Trabayador/a Social de la ufierta pública 2017/2018.

La distribución de diches places sedría la que vien darréu:

*10 de promoción interna

*14 d'accesu llibre ordinariu (1 d'elles pa persones con discapacidá)

Descarga o llee tola información nel B.O.P.A. del 11 de febreru de 2019 pinchando:

EQUI

CONVOCATORIA DE 48 PLACES D'EDUCADOR/A

Nel BOPA del 11 de febreru de 2019 convóquense 48 places d'Educador/a (tituláu gráu mediu) de la ufierta pública 2017/2018.

La distribución de diches places sedría la que vien darréu:

*40 de promoción interna (3 d'elles pa persones con discapacidá)

*8 d'accesu llibre ordinariu.

Descarga o llee tola información nel B.O.P.A. del 11 de febrero de 2019 pinchando:

EQUI

CONVOCATORIA DE BOLSA D'EMPLEGU D'EDUCADOR/A FAMILIAR DEL CONCEYU DE LLANES

El conceyu de Llanes, abre una convocatoria pala constitución d'una bolsa d'emplegu na categoría de “Educador/a familiar”.

Les bases de la convocatoria poden consultase nel BOPA del 12 de febreru de 2019.

Plazu de presentación d'instancies:DIEZ DÍES NATURALES

Descarga o llee tola información nel nuesu INFORMA (en PDF) pinchando:

EQUI

NUEVU REGLAMENTU DE CARRERA PROFESIONAL PA PERSONAL INTERÍN

L'Alministración propón un REGLAMENTU DE LA CARRERA PROFESIONAL, nel que permitirá'l pagu con efeutu retroactivu dende'l 1 de xineru de 2019 del complementu de la carrera profesional a los trabayadores y trabayadoras funcionari@s interin@s y llaborales temporales, que cumplan colos requisitos que s'establecen.

Pa sabelo too, descarga'l nuesu INFORMA completu (en PDF) pinchando:

EQUI

UFIERTA D'EMPLEGU PA AYUDANTES DE MANTENIMIENTU

Finada la Llista d'Emplegu y/o Bolsa de Trabayu na categoría profesional d'Ayudantes de Mantenimientu, procederáse, d'alcuerdu colo dispuestu nel artículu 10 de la Resolución de 20 de febreru de 2004, de la Conseyería d'Economía y Alministración Pública, pola que establécense normes pala adscripción de personal non permanente, a solicitar del Serviciu Públicu de Emplegu del Principáu d'Asturies, mediante oferta xenérica d'emplegu, candidatos pala contratación nel puestu de referencia.

Descarga o llee tola información nel nuesu INFORMA (en PDF) pinchando:

EQUI

LES TORGUES DE LES OBRES NA MIXTA, NA PRENSA REXONAL

Pa lleer la noticia, n'El Comercio Dixital, pincha:

EQUÍ

PLANTIYA DE REMPUESTES CORREUTES DE LA SEGUNDA PREBA D'ACCESU A PLACES D'AUX. D'ENFERMERIA DEL E.R.A.

- El Tribunal de les prebes d'accesu a 292 plazas d'Auxiliares d'Enfermería del E.R.A. fizo pública la plantiya coles rempuestes correutes de la segunda preba.

Pa descargar la plantiya (en PDF)

PINCHA EQUÍ

RELACIÓN DE PLACES AFEUTÁES POLA ESTABILIZACIÓN NA UFIERTA D'EMPLEGU DEL 2018

La D.X. de Función Pública remitió esta información, a solicitú de les organizaciones sindicales, de los puestos afeutáos pola estabilización e indefinidos non fixos correspondientes a la ufierta d'emplegu públicu de 2018. Les qu'afeuten al E.R.A. son:

Pa ver toles places, descarga'l documentu completu(en PDF) pinchando:

EQUÍ