plantillas web en plantillas web
  • Residencia El Nodo
  • Residencia Santa Bárbara
  • Residencia La Tenderina
  • Residencia Llastres
  • Residencia Los Canapés
  • Residencia El Cristo
  • Residencia Clara Ferrer
  • Residencia Mixta
  • Residencia Santa Teresa
  • Residencia Pravia
  • Residencia Tinéu
  • Residencia Trisquel

AFAYAIVOS A LA WEB DE C.S.I. nel E.R.A.

COMUNICÁU CONXUNTU DE CSI, CGT, SUATEA Y CNT ÉNTE LA CRISIS DEL CORONAVIRUS

La situación actual que tamos viviendo de resultes de la crisis sanitaria y económica provocada pol COVID-19 ta dexándonos comprobar que la salú de les persones ta en manes d’un sistema sanitariu que, depués d’años de privatizaciones y recortes, pola mor de les polítiques económiques neolliberales aplicaes polos gobiernos del Partíu Popular y el Partíu Socialista, ta sobrepasáu claramente pola situación. Güei los y les trabayadores realicen el so llabor nos centros de salú y hospitales en primer fila a pesar de que nunyos apurren el material afayadizo, nin pa la so propia protección nin pa que puedan desenvolver l’actividá profesional coles meyores garantíes tanto pa les persones afectaes como pa les que trabayen nel sector sanitariu y les sos families. Con esti incumplimientu sistemáticu de la Llei de Prevención de Riesgos Llaborales, el númberu de contaxos y inclusive de fallecimientos ente’l personal hospitalario aumenta caldía, obligando a los demás compañeros y compañeres a realizar xornaes llaborales frayadores pa poder caltener el serviciu. Dende equí’l nuestru agradecimientu a toes y toos pol so esfuerciu pa curiar de la nuestra salú a pesar de les dificultaes a les que s’esponen. La crisis sanitaria ta provocando una crisis económica nueva que quieren que vuelva cayer enriba de la clas trabayadora. Tamos viendo caldía cómo les midíes que se tán llevando a cabu en nengún momentu tán protexendo los intereses de los y les trabayadores, sinón que tán protexendo los del sistema capitalista, anteponiéndolos a la nuestra salú. Tovía güei hai sectores que siguen ensin paralizase cola sida de que son sectores esenciales, unviando a mil y milenta persones a esponese al riesgu de garrar la enfermedá y nun paralizar la cadena de contaxos. Esta situación hai que la contestualizar nel marcu asturianu, un territoriu yá en por sí castigáu pol desempléu y la precariedá, onde miles de persones yá nun teníen primero d’esta crisis sanitaria derechu a determinaes prestaciones. Tenemos mieu a qu’énte los miles de despidos que se tán produciendo estos díes, los espedientes de regulación, les mengües de xornada, etc., la situación pueda agravase hasta llímites estremos. A esto hai que sumar la existencia d’una economía sumida qu’afecta sobre manera a los sectores fuertemente feminizaos, en riesgu de quedar dafechu desamparaos. De la que vaigan pasando los díes de confinamientu, van dir saliendo a la lluz situaciones d’auténtica desesperación, onde’l famosu #quedaencasa va convertise en daqué inasumible. Por esti motivu, esiximos al Gobiernu asturianu que protexa a toles persones y families que nun cunten con nenguna clas d’ingresu, nin vaigan consiguilu al tar l’actividá económica baxo mínimos, polo que van tener difícil algamar los recursos básicos que dexen cubrir les necesidaes pa una vida digna. Esta propuesta que llanzamos podría concretase cola instauración d’una Renta Básica pa toles persones, incluyíos aquellos sectores socialmente escluyíos o con derechos llimitaos, como ye’l casu de la población procedente de la inmigración. Dende equí, queremos facer un llamamientu a tola clas obrera y demás sectores populares asturianos pa que tea sollerte, de manera que, namás qu’esti confinamientu acabe, teamos en condiciones de salir a la cai a defender una salida social d’esta crisis nueva frente a les presiones de los poderes económicos y a los intereses del capital. Sollerte pa defender unos servicios públicos de calidá y pa esixir la vuelta a lo público de tolos sectores privatizaos. Sollerte frente a la xubida de la estrema derecha, que va querer beneficiase del mieu y de la inseguranza. Sollerte p’aneciar non solo en qu’otru sistema ye posible, sinón qu’otru sistema ye necesariu, y son les clases trabayadores les que tienen que construyilu.

CSI-CGT-SUATEA-CNT

NUEVES INSTRUCCIONES DEL MINISTERIU DE SANIDÁ, DEL S.E.SP.A. Y DE PROTECCIÓN DE DATOS PAL CONTROL DE LA PANDEMIA'L CORONAVIRUS EN CENTROS RESIDENCIALES

Guía de prevención y control escontra'l COVID-19 en residencies de mayores y otros centros de servicios sociales de caráuter residencial (Actualizada a 24 de marzu de 2020).

DESCÁRGALA PINCHANDO EQUÍ

Prevención y control frente a COVID-19 en residencies de mayores y centros sociosanitarios n'Asturies (Actualizada a 25 de marzu de 2020).

DESCARGA'L DOCUMENTU PINCHANDO EQUÍ

Retruques a entrugues frecuentes en materia de protección de datos personales pol coronavirus

DESCARGA'L DOCUMENTU PINCHANDO EQUÍ

PROCEDIMIENTU D'ACTUACIÓN ENTE BARRUNTU D'ANDADA POR CORONAVIRUS

Enllazamos el portal web d'Astursalud, nel que s'informa dafechu de los procedimientos d'actuación ente´l barruntu d'andada por coronavirus SARS-CoV-2 (COVID-19).

Pola to salú y la de to@s.

ENTRA NA WEB D'ASTURSALUD PINCHANDO NA IMAXE:

ESPUBLIZAES NEL B.O.P.A. LES NUEVES TABLES SALARIALES PA 2020

Güei, 26 de febreru, espublizáronse les tables salariales de los emplegaos del Principáu d'Asturies pa 2020, con una xubida'l 2%

Descárgate les tables del PERSONAL LLABORAL (en PDF)PINCHANDO EQUÍ

O podes descargate les tables COMPLETES NEL B.O.P.A. (en PDF)PINCHANDO EQUÍ

XUNTANZA'L COMITÉ CON XERENCIA, 20 DE FEBRERU DE 2020

Tratáronse los temes que vienen darréu:

OBRES EN STA TERESA: A causa de les obres que van acometese na 6ª planta, los 47 residentes que la ocupen sedrán treslladaos al Naranco, asina como 20 auxiliares y una enfermera. Van tener una cartelera dixebrada'l restu'l personal y atenderán dafechu a los residentes treslladaos, pero podrán tamién asistir al restu si les necesidaes lo requieren. van tener turnos de mañana, tarde y nueche. Mercóse pa ello material nuevu, y el treslláu fairáse na selmana'l 9 de marzu y de manera gradual.

INCORPORACIONES DE LA OPE: Fairáse la oferta pa axudicación de destín ente abril y mayu. Les incorporaciones prevense pa mediaos d'ochobre. Paeznos abondo tiempu, pero la Xerente retrúcanos que nun-yos ye posible facelo enantes pola carga de trabayu que supón. Estudiarán la manera de solicitar una excepcionalidá pa poder incluyir les persones que, habiendo sacao la plaza, vayan ser cesaes polos tresllaos, y tamién poles que tan agora mesmo ensin trabayar, nesa nueva bolsa qu'agora furrula como supletoria pa que podan ser llamaes dica la so incorporación definitiva.

So los puntos l'orden del día que lleva'l Comité, la Xerente comprometese a falar coles direiciones p'atopar solución:

• Adautación de ropa de residentes.

• Peticiones de material y uniformes.• Denegación de díes.

• Unidá de convalecencia.

• Problemátiques d'Arriondes, la Pola y Mixta.

Pa más información, descárgate'l nuesu ENTÉRATE (en PDF)PINCHANDO EQUÍ

CALENDARIU DEL PROCESU D'ELEICIONES AL COMITÉ D'EMPRESA DEL E.R.A.

Entamó'l procesu pa cellebrar les eleiciones sindicales el nuesu Organismu Autónomu, d'alcuerdo al calendariu que vien darréu:

(Pincha so'l documentu pa velu a tamañu completu)

Ye PERIMPORTANTE que comprobéis nel CENSU ELEUTORAL que habéis tener ESPUESTU nel vuesu centru de trabayu (nun pode publicase) que apaecéis correutamente, con nome completu y D.N.I., pa evitar torgues o imposibilidá d'exercer el vuesu drechu al votu'l 25 de marzu.

SEMEYES DE LA MOVILIZACIÓN DE GÜEI 29 DE XINERU DE 2020

Güei, 29 de xineru, concentrámonos delantre la Conseyería de Servicios y Drechos Sociales pa siguir desixiendo que se desendolquen les reivindicaciones de personal y medios que tenemos pendientes los trabayadores del E.R.A. dende fai munchos meses.

Pincha so les semeyes pa veles a tamañu completu

LA CONCENTRACIÓN NA PRENSA REXONAL:

La Nueva España:
El Comercio:

Pincha so les captures pa dir a la noticia correspondiente nas webs de los diarios rexonales.

XUNTANZA INFORMATIVA CON FUNCIÓN PÚBLICA

Con fecha de 23 de xineru de 2020, cellébrase una xuntanza informativa con Función Pública so'l decretu que regula l'acesu con cálter temporal de lxs emplegaxs públicxs. Ente otros puntos escláriennos los gue vienen darréu:

ESCEICIÓN DE PUNTUACIÓN POSITIVA (Artículu 4)

Los procesos seleutivos ya convocaos, siguirán como dica agora, nos convocados a partir del 10 de febreru, Función Pública decidirá si s'esceutúan o non (si hai que superar la primer preba o, como esceición, consiguir namás puntuación positiva. Sedrá tamién Función Pública quién decida la puntuación requerida y sedrá para toxs igual).

ZONIFICACIÓN

Notificaráse coles nueves zones incluyíes n'esti decretu. Saldrán publicáes les instancies y abriráse un nueu plazu'l 1 de febreru. N'estes instancias podrá escoyese tamién la opción d'elexir contratos a tiempu parcial, esta opción sedrá camudable anualmente, igual que les zones. Esceicionalmente, al ser esti un nuevu decretu, darán opción de zonificación a término d'un contratu anque nun tea abiertu'l plazu.

CESE

Cesará siempres la vacante más nueva, anque nun fuera incluida nel concursu de tresllaos, nin na oferta pública d'emplegu. Nun va haber bloquéu de nenguna plaza.

MEYORA D'EMPLEGU

Podrá ofrecese una vacante a otra vacante siempres qu'implique meyora. Si se rechaza una superior categoría NON s'espulsa de la bolsa pero nun va haber más llamamientos dica que nun camude la situación llaboral actual.

DENDE LA CSI ANÉCIASE NEL NUESU REFUGU A ESTI DECRETU (CRITERIU DE CESE, LLAMAMIENTOS…) Y PÍDESE QUE SE CONSTITUYAN BOLSES D'EMPLEGU, YA QU'AGORA NUN DEPENDEN DEL ADOLFO POSADA SINÓN DE FUNCIÓN PÚBLICA, Y ASINA FAVORECER EL EMPLEO PÚBLICO.

A última hora faise mención al concursu de tresllaos de Personal Llaboral, y retruquen que van reunirse la prósima selmana pa sacar les llistes provisionales, y que la intención d'incorporación sedría pa marzu.

Pa cualisquier dulda o aclaración, tamos a la vuesa disposición.

Par descargarte'l nuesu ENTÉRATE (en PDF)PINCHA EQUÍ

RECONOCIMIENTU PRIMER TRAMU CARRERA PROFESIONAL PA INTERINOS Y FIXOS CON 5 AÑOS D'ANTIGÜEDÁ

Resolución de 9 de xineru de 2020, de la Conseyería de Presidencia, pola que convócase'l procedimientu de reconocimientu de la primer categoría y la asignación de puntuación al personal que s'encuentra na categoría d'entrada dientru'l sistema de la carrera horizontal.

Nel BOPA de güei, 13 de xineru de 2020, espublízase la convocatoria pa solicitar el primer tramu de la carrera profesional a interinos y personal fixu con antigüedá de 5 años na alministración.

Plazu presentación:

UN MES a cuntar dende'l día darréu a la espublización d'esta Resolución nel Boletín Oficial del Principáu d'Asturies, ye dicir, dende'l 14 de xineru al 13 de febreru de 2020 dambos incluyíos.

Pa ENTERATE DE TOLOS DETALLES, descárga'´l nuesu ENTÉRATE (en PDF)PINCHANDO EQUÍ

SEMEYES DE LA MOVILIZACIÓN DE GÜEI PA DESIXIR MEYORES NES CONDICIONES LLABORALES DEL ERA

Güei, 13 de xineru, concentrámonos delantre la Xerencia pa desixir que se desendolquen, d'una vegada por toes, les reivindicaciones de personal y medios que tenemos pendientes los trabayadores dende fai cuantayá.

Pincha sobre las fotos para verlas a tamaño completo

CONVOCATORIA DE MOVILIZACIONES PA DESIXIR MEYORES NES CONDICIONES LLABORALES DEL ERA

La Nueva España:
El Comercio:

Na prensa rexonal de güei, 10 de xineru, apaez la convocatoria de movilizaciones que faen dellos sindicatos, ente ellos C.S.I., para desixir meyores nes condiciones llaborales nel E.R.A.

Pincha sobre les captures pa dir a la noticia correspondiente nas webs de los diarios rexonales.

APERTURA DE PLAZU PA CAMBÉU DE ZONA EN BOLSA D'EMPLEGU DEL ERA

Informamos que s'abre'l plazu de cambéu de zonificación en bolsa d'emplegu pa les y los trabayadores del Organismu Autónomu ERA dende güei, 10 de xineru dica'l 25 de xineru dambos incluyíos.

ACLARACIONES AL COMUNICÁU DEL COMITÉ D'EMPRESA DE 2 DE XINERU DE 2020

Aclaraciones ente'l comunicáu emitíu pol Comité d'Empresa, a día 2 de xineru de 2020, nel que se fai referencia a la Corriente Sindical d'Izquierda:

• Que'l día 27 d'avientu recibimos la convocatoria'l Comité del mes de xineru pal día 2 de xineru a les 10.00 de la mañana.

• A ello retrucamos que la convocatoria nun s'axusta al reglamentu y que la fecha que s'axusta ye'l 8 de xineru.

• El restu los sindicatos, en dellos correos elletrónicos, tán d'alcuerdo nesti puntu, namás UXT s'opón a modificar la convocatoria.

• Tres d'esto, la presidenta convoca un comité estraordinariu pal mesmu día 2 a les 9.00 la mañana col únicu puntu nel orden del día d'aclarar la convocatoria.

• A posteriori, la presidencia inclui nel orden del día dar retruque al escritu y solicitú de lxs trabayadorxs del Clara Ferrer.

• Dau que la convocatoria estraordinaria pareznos un abusu y un nun saber asumir l'erro, proponemos reuninos con lxs trabayadorxs del Clara Ferrer esi mesmu día 2, nel so centru trabayu. A esta propuesta, dedde la presidencia, nun se da retruque.

• El día 2 reúnense namás UXT y USIPA (esti caberu dempués d'haber manifestáu qu'entendíen qu'el comité ordinariu yera'l día 8) y saquen esi comunicáu.

Prúyenos señalar que dende esti sindicatu advirtióse de que la presidencia'l Comité había robláu carteleres que nun fueran robláes polxs trabajadorxs. A lo cual retrucósenos que namás se roblaren les carteleres robláes únicamente por estxs. Parez que n'esti puntu teníamos razón tal y como pode comprobase nel segundu puntu'l citáu comunicáu del día 2, nel que piden que s'anulen les carteleres robláes por erro.

La postura la CSI sigue siendo la mesma que s'acordó pola mayoría'l Comité que ye pidir la destitución de la responsable de personal por considerala interlocutora non válida ante los incumplimientos, falta información y ningunéu dica lxs representantes de lxs trabayadorxs.

Y queremos dexar pernidio que la CSI nun va negociar absolutamente nada con esa señora, tal y como aprobó'l Comité d'Empresa.

Tá visto que primen, una vegada más, enantes los intereses ellectorales particulares que los de lxs trabayadorxs.

En Xixón a 3 de xineru de 2020

Pa descargarte'l nuesu ENTÉRATE (en PDF)PINCHA EQUÍ

LA CORRIENTE DESÉYA-VOS UN PRÓSPERU AÑU 2020

NUEVA CONVOCATORIA DE CONCURSU DE TRESLLAOS DE LLABORALES

Dempués de la reunión con Función Pública pola nueva propuesta'l CONCURSU DE TRESLLAOS pa'l PERSONAL LLABORAL de la Alministración del Principáu d'Asturies, informámosvos:

•Les persones qu'hubieren participáu nel concursu, y nun quieren camudar la so eleición, nun han de facer nada, val cola documentación apurrida.

•Les qu'hubieren participáu pero deseyaren camudar la so eleición, han de presentar una nueva instancia qu'anulará la anterior.

•Les que nun participaron entós, podrán facelo n'esta nueva convocatoria.

Les places ofertaes sedrán toles vacantes qu'hubiera a fecha de la anterior convocatoria, ye dicir , que tuviesen vacantes el 19 de Mayu, y non les que s'hubieren creáu dempués d'esa fecha. Desbloqueense les places d'estabilización.

Dende Función Pública faennos saber que DE MOMENTU y salvo publicación del nuevu decretu enantes de la resolución del concursu, el criteriu de cese ye el de la vacante más antigua.

La resolución espublizase güei nel BOPA: Resolución de 5 de payares de 2019, de la Conseyería de Presidencia, pola que, en cumplimientu'l Auto del 18/10/2019 dictáu pola Sala de lo Social del Tribunal Superior de Xusticia d'Asturies, camudase'l procedimientu de concursu de tresllaos de personal llaboral entamáu por Resolución de 14 de mayu de 2019.

Plazu de presentación d'instancies: VEINTE DIES NATURALES

Par descargar la resolución espublizada nel B.O.P.A. (en PDF)

PINCHA EQUÍ (Col botón drechu'l ratón, escoyer "Guardar enllaz como..." nel menú)