RETRIBUCIONES DE LES CONTRATES NEL E.R.A.
Ye un escándalu un contratu públicu con un plus a un trabayador de 900€ ensin xustificar les sos funciones.
Toles noticies
XUNTA'L COMITÉ COLA XERENCIA L'E.R.A.
Na xunta cellebrada ente Xerencia l'ERA ya'l Comité d'Empresa el xueves 19 de setiembre del 2018, tratáronse los puntos que vienen darréu:
- Retruca al escritu presentáu en xunetu pol Comité d'Empresa a Xerencia so los horarios de comedor del personal na Residencia Mixta: la Xerencia l'ERA respalda lo decidío pola Direición.
- Información so los contratos relevu de xefe d'almacén y xefe de cocina de la Residencia de Llanes
- Bolsa de trabayu de mélicos, si esiste, y d'ú tan llamando pa cubrir esta categoría.
- Tema de los uniformes de trabayu nun entregaos y si van paga-yoslos a abondos interinos qu'este branu tuvieron que comprálu.
- Información so si va crease la plaza de Terapeuta Ocupacional de Centru de Día de Santa Teresa que na actualidá ye un acúmulu tarees.
- Varios temes específicos de delles residencies.
Pa ver tolos detalles, llee o descarga l'ENTÉRATE (en PDF)
ASAMBLEA D'AFILIA@S DE LA ADMÓN. AUTONÓMICA
Convócase ASAMBLEA d'afilia@s de la Alministración Autonómica el prósimu
Orde del día:
1.- Información y valoración so les negociaciones cola Almón. Pública. y eleiciones sindicales del añu 2019.
2.- Repasu ya información por ámbitos y seiciones sindicales, ya información so les dixebráes movilizaciones de la CSI.
3.- Información y valoración so'l borraor presentáu pal so debate internu por CSI-Feminismu del Protocolu frente a les agresiones machistes (axúntase'l documentu a esta convocatoria)
4.- Varios.
FUEYA INFORMATIVA DE SETIEMBRE DE 2018
SUMARIU:
1.-LES IDEES PALA FUNCIÓN PÚBLICA DEL NUEVU GOBIERNU YA'L SO “ESPERTU”.
2.-CARRETERES ASTURIANES, OTRU MODELU DE NEGOCIU PRIVÁU.
3.-PRIVATICEN LOS PUERTOS DEPORTIVOS ASTURIANOS (namás los cobros, nidiu).
4.-GASTOS MILITARES vs GASTOS SOCIALES..
Pa lleela y/o descargala (archivo PDF) pincha:
CONVOCÁES 25 PLACES DE COCINER@-AYUDANTE PAL PRINCIPÁU
Nel B.O.P.A. d'ayeri, 11 de setiembre, espublízase una resolución del 3 de setiembre pola que se convoquen 25 places de Cociner@-ayudante pa la Alministración del Principáu d'Asturies, 20 en turnu de Promoción Interna (1 d'elles de discapacidá) y 5 en turnu LLIBRE (1 d'elles de discapacidá).
El plazu pa presentar les instancies ye de veinte díes hábiles (dica'l 4 de ochobre) .
Pa más información, llee o descarga les bases de la convocatoria nel BOPA (en PDF):
CONVOCÁES DOS PLACES D'INFORMÁTICU NA UNIVERSIDÁ D'UVIEU
Axuntamos dos convocatories espublizáes nel BOPA'l 3 de setiembre de 2018, pa una provisión temporal de dos puestos d'Informática. Les convocatories van xenerar bolses que de xuru van tener abondo movimientu.
El plazu pa les instancies ye dende'l martes 4 al llunes 10 de setiembre .
Pa más información, descarga les convocatories del BOPA (en PDF) pinchando n'estos enllaces:
TABLES SALARIALES PAL PERSONAL LLABORAL TRES LA CABERA XUBIDA
Axuntamos-vos les tables salariales pal personal llaboral del Principáu d'Asturies pa 2018. Son dos: una dica'l 30 de xunu y l'otra dende'l 1 de xunetu, dau que son dos porcentaxes de xubida dixebráos. Facer alcordanza que los atrasos dende el 1 de xineru abonaranse, previsiblemente, con la nómina de setiembre.
Descarga los documentos completos (en PDF) pinchando n'estos enllaces:
CONVOCATORIA DE PLACES PAL SERVICIU DE SALÚ (SESPA) 2018
Nel BOPA'l 9 de agostu de 2018 espublícense les Resoluciones convocando prebes seleutives pa delles places:
- 799 d'AUXILIAR D'ENFERMERÍA
- 61 de FISIOTERAPÉUTA
- 399 de CELADOR
- 232 d'AUXILIAR ALMINISTRATIVU
- 499 d'ENFERMER@
- 23 de MATRONA
PLAZU: 20 DÍES HÁBILES
Pa más información y enllaces a les convocatories nel B.O.P.A.
PINCHA EQUÍ
XUNTANZA DE LA MESA SEUTORIAL DE NEGOCIACIÓN
El 30 de xunetu, axuntóse la Mesa Seutorial de Negociación pa falar d'un par de temes, a los que s'axuntaron otros a entrugues de la Corriente, que planteó al Direutor de Función Pública dellos asuntos de importancia y actualidá.
- Aplicación de la cobertura económica total en casos de IT's.
- Oferta Pública d'Emplegu 2018.
- Aplicación de la xubida salarial.
- Modificación de la norma pa incluyir nel reconocimientu de carrera al personal llaboral temporal.
- Xornada semanal de 35 h.
- Plazos pa la toma de posesión una vez superaes les prebes seleutives.
- Lley del Principáu d'Asturies 7/2018, de 24 de xunetu, de midíes en materia de función pública comu consecuencia de la prórroga presupuestaria.
Pa más detalles, llee o descarga l'ENTÉRATE (en PDF)
CALENDARIU DE FIESTES LLOCALES D'ASTURIES 2019
Nesti enllaz podéis ver y descargar les páxines del BOPA onde s'oficializa'l calendariu de festivos llocales pal añu 2019
PINCHA EQUÍ
GARANTICEMOS EL FUTURU
PUBLICAES LES LLISTES D'ALMITIOS Y EXCLUYÍOS PALES PREBES D'AUXILIAR DE ENFERMERIA DEL E.R.A.
Nel B.O.P.A. del 2 de xunetu de 2018, publíquense les LLISTES DE EXCLUYÍOS col MOTIVU LA SO EXCLUSIÓN y FORMA DE SUBSANACIÓN, fixando un plazu de DIEZ DÍES HABILES pa ello.
Les llistes d'ALMITIOS tan espuestes nel tablón d'anuncies del Institutu Asturianu d'Alministración Pública “Adolfo Posada” (Avda. Julián Clavería, 11, Uviéu), nel Serviciu d'Atención Ciudadana (Edificiu de Servicios Múltiples, C/Trece Rosas, 2, Planta Plaza, Uviéu) y, con carácter informativo, aa páxina web: www.asturias.es/iaap. Sicasí, podrá ser consultada nel teléfonu del Serviciu de Atención Ciudadana: 012
FÍXASE COMO DÍA DE REALIZACIÓN DE LA PRIMERA PREBA EL
Descarga la RESOLUCIÓN DEL B.O.P.A. (en PDF)
Descarga la LLISTA COMPLETA DE ALMITÍOS (A TÍTULU INFORMATIVU)
PROPUESTES DE LA C.S.I. AL PROYEUTU DE DECRETU DE CONTRATACIÓN TEMPORAL
Dende la Corriente Sindical d’Izquierda treslladamos-vos la nuesa postura respeutu a la propuesta amosada por Función Pública de Decreto pol que se regula l'accesu con caráuter temporal al empléu públicu de la Alministración del Principáu d'Asturies, los sos organismos ya entes públicos (nun-yos afeuta, y polo tanto quedaríen escluyíos, el personal docente, sanidá y xusticia).
Pretendese da-y vuelta al actual sistema y que pasen a ser sustituyíes les persones que MENOS tiempu lleven na vacante. Paeznos que, con este cambiu, la Alministración nun busca meyora nenguna, sinón qu'esta decisión pode debese namás a intereses económicos. Polo tanto, la Corriente Sindical d’Izquierda nun considera esti cambéu ya insta a la Alministración a soluciona'l problema de raíz, sacando la Oferta Pública de Emplegu y los tresllaos cola debida periodicidá, evitando asina que nenguna persona interina se camude "n'eternina”.
Proponemos esti modelu de llamamientu a l'hora d'ofertar contratos de vacantes o contratos por obra y servicio: cuando apaeza una vacante, esta sedrá dada por rigurosu orde de bolsa, independientemente de que nesi momentu la persona tea n'activu.
Pretendese camudar el plazu actual de TREINTA DÍES por otru de CINCO DÍES. Na CSI pescanciamos qu'una persona demandante d'emplegu nun tien por qué tar esclavizada y nun poda permitise tan siquiera una selmana fuera de circulación, por eso defendemos aumentar esos 5 díes que dicta'l Decretu a 15 díes, un plazu abondo más razonable.
L'Alministración propón tres llamáes nun marxe de media hora. Dende la CSI camentamos qu'el númberu de llamáes han ser 4, dos de ca vegada, y con un intervalu mínimu de media hora.
– Petición de baxes temporales de la Bolsa por Conciliación, pal cuidáu de fíos o mayores.
– Zonificación en Contratos a Tiempu Parcial, para evitar perxuiciu económicu polo lloñe.
– Ofertes en varies Bolses d'Emplegu, que, si se tá trabayando, ufierten cualquier plaza y non namás vacantes como dicaa agora.
- Proponemos que les persones que refuguen un contratu ensin causa xustificada nun podan ser excluyíes de la Bolsa, sinon que seyen penalizáes con 2 meses ensin llamamiento.
Para saber más, llee o descarga LA PROPUESTA COMPLETA (en PDF)
ENTRUGA PARLLAMENTARIA A LA CONSEYERA SOBRE ADXUDICACIÓN DE CONTRATOS MENORES NEL E.R.A.
Entruga del Grupu parllamentariu de Podemos Asturies.
PREVISIÓN D'ENTAMU DE PRUEBES Y NUEVES CONVOCATORIES D'ACCESU AL EMPLÉU PÚBLICU N'ASTURIES
Descarga'l documentu completu, coles previsiones de prósimes convocatories (en PDF)
¡¡ATENCIÓN!!
SENTENCIA SOBRE LES TITULACIONES ALMITÍES PALES OPOSICIONES D'AUXILIAR ENFERMERIA DEL E.R.A.
Dende la Corriente Sindical d´Izquierda ponemos en conocimientu'l fallu'l T.S.X. d'Asturies de la Sala Social d'Uviéu, respeuto a la demanda presentada por USIPA, UXT y CCOO solicitando la interpretación del Conveniu sobre la titulación pales oposiciones d'Auxiliar d'Enfermería del ERA.
Los sindicatos USIPA, UGT y CCOO presentaron el 13 de febrero de 2017 ante la Sala de lo Social del Tribunal Superior de Justicia de Asturias, demanda de conflicto colectivo contra la ADMINISTRACIÓN DEL PRINCIPADO DE ASTURIAS, CONSEJERÍA DE HACIENDA Y SECTOR PÚBLICO, para reclamar que "se resuelva la controversia hermenéutica planteada, declarando que el título de Técnico en Atención a Personas Mayores en Situación de Dependencia o el de Técnico de Atención Socio Sanitaria, que ha venido a sustituir al anterior, no son en ningún caso equivalentes al de Técnica/o en Cuidados Auxiliares de Enfermería, y que, en consecuencia, sólo este último puede habilitar para tal acceso" y que en consecuencia disponga la Sala "que se debe reflejar y ser interpretada conforme a la antedicha declaración la Base primera Punto 6 relativa a la Titulación de la Resolución de 29 de enero de 2018 de la Vicenconsejería de Administraciones Públicas por la que se convocan pruebas selectivas para el ingreso en la categoría de Auxiliar de enfermería de la Administración del Principado de Asturias BOPA 5-II-2018, condenando a la Administración a estar y pasar por lo declarado y por tanto a interpretar y modificar la indicada base según lo expresado".
Que desestimamos la demanda presentada por los Sindicatos UNIÓN DE SINDICATOS INDEPENDIENTES DEL PRINCIPADO DE ASTURIAS (USIPA), UNIÓN GENERAL DE TRABAJADORES (UGT) Y COMISIONES OBRERAS DE ASTURIAS (CCOO), contra la CONSEJERÍA DE HACIENDA Y SECTOR PÚBLICO DEL PRINCIPADO DE ASTURIAS.
Pa saber más, llee o descarga LA SENTENCIA COMPLETA (en PDF)
SENTENCIA SOBRE LA RECLAMACIÓN DE PLUS DE PELIGROSIDÁ P'AUXILIARES DE LA RESIDENCIA MIXTA
Dende la Corriente Sindical d´Izquierda ponemos nel vuesu conocimientu'l fallu lliteral del Xulgáu nº 3 de Xixón respeutu a la demanda presentada por CCOO y CSI solicitand0'l cobru, por parte del cuerpu d'Auxiliares d'Enfermería, del COMPLEMENTI DE PELIGROSIDÁ.
FALLO
"Que debo estimar y estimo la demanda presentada por los sindicatos Comisiones Obreras y Corriente Sindical de Izquierdas frente a Establecimientos Residenciales para Ancianos del Principado de Asturias. Debo declarar y declaro que los auxiliares de enfermería que prestan servicios en la Residencia Mixta de Pumarín Gijón, prestan servicios en condicione de peligrosidad, que les hace acreedores del complemento específico de devengo fijo llamado complemento de peligrosidad previsto en el convenio colectivo del personal laboral por cuenta del Principado de Asturias.
Que debo condenar y condeno a la demandada a estar y pasar por lo declarado en el Fallo de esta sentencia y a abonar al colectivo afectado por el presente conflicto el complemento específico de peligrosidad".
Gracias a todas y a todos l@s Auxiliares de Enfermería que aportaron hojas de incidencias, así como partes de accidentes y de agresiones, porque sin toda esta documentación no hubiera sido posible este resultado. Nuestro siguiente paso será intentarlo en el resto de centros del ERA.
Pa saber más, llee o descarga LA SENTENCIA ÍNTEGRA (en PDF)
C.S.I. DENUNCIA QUE TRABAYADORES DEL E.R.A. FAEN TRABAYOS QUE CORRESPONDÍEN AL CONTRATISTA LES REFORMES DE LA RESIDENCIA MIXTA
Establecimientos Residenciales d'Asturies (ERA), asumió costes que-y correspondíen al contratista nuna obra na Residencia Mixta de Pumarín, según denunciamos dende la Seición Sindical de CSI, aportando documentación, semeyes y un vídeu sobre les irregularidaes.
Más información na reseña que, sobre esti asuntu, espublizó'l martes 24 d'abril "La Nueva España" que puedes ver o descargar (en PDF)
LOS LLÍOS XUDICIALES DE XERENCIA COLES "UNIDÁES DE CONVALECENCIA"
Los tribunales volvieron tumbar una adxudicación del E.R.A. por "irregular": nesti casu, la del mobiliariu pa la anunciada "Unidá de Convalecencia" de la Mixta, cuya obra tá finada pero nun pode entamar l'actividá por carecer d'él, al anular el Tribunal Administrativu Central de Recursos Contractuales l'adxudicación a una empresa que nun cumplía los requisitos desixíos.
Más información nes reseñes d'esti asuntu na prensa, que podes ver o descargar (en PDF)
DESCUENTOS POR I.T.: VALIÓ DE PENALIZAR LA ENFERMEDÁ
El pasáu 13 de abril, tuvo llugar una reunión ente la D. X. de Función Pública y les distintes organizaciones sindicales de l'Alministración Autonómica pa aldericar sobre la supresión de la penalización económica en casu d'IT.
Les CCAA ya poden llexislar llibremente sobre ello, polo qu'el Gobiernu asturianu tien nes sos manos devolvenos esti drechu. La Corriente venía planteando delles vegaes que, en tanto nun se tornara a la situación ideal de cobertura total, deberíen incluyise tres supuestos, que nos arrimaríen abondo a esi 100%: situaciones de IT derivaes de la violencia xénero; enfermedaes de declaración obligatoria recoyies nel Decretu'l Sistema de Vixilancia Epidemiolóxica (ente las que s'atopa la gripe); y situaciones que impliquen llimitación de la movilidá (cuestiones traumatolóxiques, esguinces, torcedures...). Estes propuestes foron sofitaes dafechu pol restu de sindicatos.
Pos bien, d'eses tres cuestiones namás s'acepten les dos primeres pol Gobiernu asturiano, que, nuna pirueta muy propia de la "alta política", planteanos lo siguiente: si s'aprueben los Presupuestos Xenerales del Estáu, nos que se recoyería'l conteníu del Alcuerdu de marzu ente'l Gobiernu y los sindicatos mayoritarios, automáticamente iríase al 100% de cobertura, ensin cortapisa nengún.
Pa saber más, llee o descarga'l nuesu informe (en PDF)
REUNIÓN XERENCIA-COMITÉ DEL 21 DE MARZU DE 2018
Pa ver tola información completa de los asuntos tratáos ya'l detalle de los asuntos por Centros,
ROBLÁU L'ALCUERDU DEL GOBIERNU COLOS SINDICATOS MAYORITARIOS
Recientemente, roblóse un alcuerdu ente'l Gobiernu, personificáu nel Ministru Montoro, y los sindicatos mayoritarios (UXT, CC.OO. y CSI-F), lligáu a los prósimos Presupuestos Xenerales del Estáu, pa la meyora salarial del personal públicu (dica un 6,1% fixu en tres años y dica un 2,7% adicional, según delles condiciones), l'aumentu de la tasa de reposición al 100% y la posibilidá, otra vegada si se cumplen delles condiciones, de recuperar la xornada de 35 hores.
Pa ver o descargar el documentu robláu pol Gobiernu y los sindicatos mayoritarios, (en PDF)
C.S.I. SOFITA LA FUELGA FEMINISTA DEL 8 DE MARZU
Pa ver o descargar el trípticu informativu coles razones pa convocar y siguir esta fuelga (en PDF)
Información sobre'l DERECHU DE FUELGA, pa desmontar embustes que s'oyen perhí (en PDF)
MANIFESTAMIENTU POLA SANIDÁ PÚBLICA
Por una SANIDÁ PÚBLICA de CALIDÁ y escontra la PRIVATIZACIÓN ya'l COPAGO
"D'OBLIGADA LLECTURA PA TRABAYADORES DEL E.R.A."
Informe de la Sindicatura de Cuentes del Principáu sobre'l nuesu Organismu Autónomu. D'obligada llectura. Descarga l'INFORME COMPLETU (archivu PDF) pinchando:
ESPUBLIZADA NEL B.O.P.A. LA CONVOCATORIA DE 292 PLACES D'AUXILIARES DEL E.R.A (69 TURNU LLIBRE Y 223 P.I.)
Espublizóse nel B.O.P.A. de güei, 6 de febreru de 2018 la resolución pola que se convoquen 292 places d'Auxiliares del E.R.A. siendo 69 les convocaes nel turnu llibre y 223 nel turnu de Promoción Interna, estes caberes acumulables al turnu llibre si, como ye de prever, nun son cubiertes nel so turnu.
El plazu pa presentar les instancies ye de 20 díes hábiles (los sábados cuenten), entamando el 7 de febreru.
Pa ver y/o descargar el B.O.P.A. cola convocatoria ya'l temariu de la oposición, pincha:
NOTA ACLARATORIA SOBRE LA POSICIÓN DE LA CORRIENTE NEL TEMA DE LES TITULACIONES PA LA PRÓSIMA CONVOCATORIA D'AUXILIARES DEL E.R.A
La CSI entiende que l@s trabayadores que tienen esta titulación tan capacitáos pa trabayar en residencies en virtú'l decretu 593/2011, de 4 de payares, pol que se establez el Títulu de Téunicu n'Atención a Persones en Situación de Dependencia y fíxense les sos enseñances mínimes, asina como l@s trabayadores en posesión de la titulación de Téunicu n'Atención Sociosanitaria.
Polo tanto, la postura de torgar l'accesu a trabayar na Administración Pública a estes pue dir a la escontra de los principios d'igualdá, méritu y capacidá que recueye l'EBEP.
Pa ver y/o descargar la PROPUESTA COMPLETA Y FUNDAMENTADA (archivu PDF) pincha:
PROPUESTES DE LA CORRIENTE PA LES PRÓSIMES OPOSICIONES
Recientemente celebráronse dos xuntes ente les Organizaciones Sindicales y la Direición Xeneral de Función Pública, pa tratar los asuntos que van darréu:
1. Analizar la estructura de los procesos selectivos por concursu-oposición nel ámbitu de la Administración Xeneral y Servicios.
2. Convocatoria de la categoría d'auxiliar d'enfermería.
Ya en reuniones anteriores acordárase que, nes convocatories que van desendolcar los procesos d'estabilización d'empleu a cellebrar nel períodu 2017-2019, el procedimientu de seleición sedría'l concursu-oposición. Namás quedaba por determinar el “pesu” de la fase concursu nestos procedimientos.
Sobre el puntu 1, la primera propuesta de l'Administración foi de valorar como máximu'l 10 % del total de la fase d'oposición, que s'algamaría con 15 años completos d'esperiencia.
Dende la CSI entendemos ponderáu l'algamar, como máximo de puntuación, na fase de concursu, el 20 % del total máximu de la fase d'oposición; algamándose esti porcentax con 15 años completos d'esperiencia. Ello frenti al 40 % que se defendía dende les otres organizaciones sindicales.
El punto 2 del orden del día yera p'aldericar sobre la titulación desixida nes convocatories pa la categoría d'auxiliar d'enfermería (fundamentalmente nel ERA).
Dende la CSI nun entendemos nin compartimos que los demás sindicatos nieguen la posibilidá d'accesu a eses places a trabayadores capacitaos pal so desempeñu, al tar en posesión de títulos oficiales reconocíos de gráu mediu y la formación requerida, entendemos axustáu que cualquier persona que te en posesión d'algún d'ellos puea optar a les places que se convoquen.
Pa ver y/o descargar la PROPUESTA COMPLETA Y FUNDAMENTADA (archivo PDF) pincha:
PUBLICÁES LES R.P.T. (FUNCIONARIOS) YA'L CATÁLOGU DE PUESTOS (LLABORALES)
Ficieronse públiques la Rellación de Puestos de Trabayu (pa funcionarios) ya'l Catálogu de Puestos de Trabayu (pa llaborales)
Pa velos y/o descargarlos (archivo PDF) pincha:
FUEYA INFORMATIVA D'AVIENTU DE 2017
SUMARIU:
1 - ACTUALIDÁ: NEGOCIACIONES Y MOVILIZACIONES.
2 - BATACAZU XUDICIAL A LA GUERRA SUCIA DEL SINDICATU CSIF.
3 - CORRUPCIÓN: APAÉZ UN NUEVU CHIRINGUITU SINDICAL.
4 - REPRESIÓN SINDICAL NEL SEPA.
Para lleela y/o descargala (archivo PDF) pincha:
OFERTA D'EMPLEGU DE LA ADMÓN. DEL PRINCIPÁU PA 2017
Pa ver y/o descargar les llistes de places a convocar (archivu PDF) pincha les que t'interesen:
PREVISIONES DE CONVOCATORIES Y EXÁMENES DEL I.A.A.P. PA 2018
Pa ver y/o descargar el documentu completu (archivu PDF)
MEMORIA D'ACTIVIDAES DEL ORGANISMU AUTÓNOMU E.R.A. EN 2016
Pa ver y/o descargar la Memoria completa (archivu PDF)
CONCENTRACIÓN ESCONTRA LA DESTRUCCIÓN D'EMPLÉU PÚBLICU Y LA EXTERNALIZACIÓN NEL ERA
ACUDE! Defiende lo de toos!
XUNTA XERENCIA-COMITÉ DEL 18 D'OCHOBRE DE 2017
TEMES XENERALES
1.- Calendarios de vacaciones: esti añu en dellos centros nun reflexaben les vacaciones de les direiciones, en dalgún centro nun había nenguna direición a cargu'l mesmu, de la que se produxeron casos graves.
El Comité d'empresa pidi que nun tornen a coincidir les vacaciones de dos direutor@s de centros hermanaos.
2.- Compensación por excesu de xornada: hai centros nos que cuando salse más tardi por acompañar a residentes al mélicu, etc., nun se-yos compensa con hores estres, sinón que se-yos devuelve esi tiempu xustu.
Namás se paguen como hores estres la xornada completa, les hores sueltes, según Xerencia, nun son hores estraordinaries. Esti tema va comprobase.
Crearanse 58 nueves places, facilitarannos en breve el desglose por Centros, dicennos que lo van facer enantes de fin d'añu.
4.- Ropa de Trabayu: nes meses de contratación de adxudicación de la ropa de trabayu acordose que se mandara a cada centru un uniforme (ropa, calzáu) de ca ún de les talles pa qu'el personal lo probara y pidiera la so talla, tán mandando al personal que se mida. Por otru llau, tantu nes prescripciones téuniques que pidía l'ERA como nes muestres que revisamos había casaques manga ranglan, agora dicen que non.
Xerencia comuniconos que tres falar cola empresa que suministra los uniformes, caberamente sí yera posible, pero namás nes casaques de cuellu picu.
Ante los problemes derivaos del cambeu de tallaxe de la ropa, como solución dende Xerencia, mandará les casaques ensin marcar pa facilitar los cambeos.
5.- Sentencia cartelera de Navidá: pídese que se-yos dé la opción a tolos centros del ERA que quieran aplicala, que puedan facelo.
Xerencia nun ta d'alcuerdu con esta cartelera, namás s'aplicará na Mixta por execución de sentencia.
6.- Unidaes de Convalecencia: información y suxerencies.
Dícennos qu'enantes de finales d'añu la obra va tar finada. Los cuidaos nesta unidá namás sedrán, exclusivamente, d'Enfermería, la plantilla tará compuesta por 12 Auxiliares d'Enfermería y 6 Enfermer@s.
El Comité d'empresa propón que pa su contratación se siga'l mesmu criteriu qu'el procedimientu que se sigue na contratación pa los Centros de Día.
Pa información más completa de los asuntos xenerales ya'l detalle de los asuntos por Centros,
PODEMOS E IU DESIXEN PARALIZAR LA PRIVATIZACIÓN NEL ERA
La diputada rexonal de Podemos Rosa Espiño y la de IU Marta Pulgar desixieron güei a la Conseyería de Drechos y Servicios Sociales que fine cola "privatización de servicios" nel organismu autónomu Establecimientos Residenciales pa Ancianos (ERA), sobre todo en la residencia mixta de Gijón.
Pa ver el vídeo completu de la noticia en TPA, pinchar
ASAMBLEA D'AFILIAD@S DE LA ALMÓN. AUTONÓMICA
Convócase ASAMBLEA d'afiliad@s de la Alministración Autonómica el prósimu 30 d'ochobre a les 18:30 hores nos llocales de C.S.I. na antigua Casa Sindical de Xixón (Calle Sanz Crespo nº 3)Convocatoria completa, col orden del día de los asuntos a tratar, pinchando
REUNIÓN DE LA XUNTA DE PERSONAL CON FUNCIÓN PÚBLICA
El pasáu 3 d'ochobre, cellebrose una reunión ente la Xunta de Personal y la Direición Xeneral de Función Pública u se trataron, ente otres cuestiones, la estensión al personal temporal ya interín del complementu de Carrera Profesional, tres les sentencies xudiciales nesi sentíu. Para lleer el resúmen completu de lo faláu, pincha
COMPARECENCIA DE LA CONSEYERA DE SERVICIOS Y DRECHOS SOCIALES NEL PARLLAMENTU ASTURIANU SOBRE LES PRIVATIZACIONES NEL E.R.A.
Pa descargar el vídeo de la comparecencia, (60 mb)
LA NUESA RESPUESTA EN DEFENSA L'EMPLÉGU PÚBLICU:
SEÑORA CONSEYERA, prúyenos manifesta-y les reflexiones que vienen darréu:
1. Los que tenéis errores de conceutu sois vosotr@s, *atención direuta somos TO@S*, y si nun lo sabéis ye pola vuesa total falta de sensibilidá por la calidá asistencial pa los nues@s mayores.
2. Táis reduciendo emplegu tamién n'otros Servicios, nun sólo en Servicios Hoteleros, que siguimos ensin saber d'ú sacáis esa denominación, ¿pa qué suene más aséptico, más neutral...?¿ye una manera de reforciar la idega de que'l nuesu trabayu faise ensin contautu nengún col@s Residentes, de qué nun somos atención direuta? Pues tamién vos equivocáis n'esto.
3. Tamién sabéis que privatizar significa potenciar emplegu precariu, enriquecer a la empresa privada (¿d'algún afín vuesu?) y baxar, tovía más, la calidá'l Serviciu, ¿tampocu vos esmolez esto?
4. Y lo cabero, con anterioridá y previu a la fase de la preparación del expediente de contratación, ye necesariu facer un Informe d'Estudiu Económicu que xustifique o non esti tracamundiu de places. Dicho informe foi requeríu pol Comité, pero nun se fizo treslláu del mesmo, ¿podría usted explicanos por qué nun se fizo?
Ya nun engañáis a naide... EXTERNALIZAR ye lo mesmo que PRIVATIZAR... y Privatizar, ye ROBAR...
PLENU MIXTU DEL COMITÉ D'EMPRESA COLA XERENCIA, 4 D'OCHOBRE DE 2017
XENERAL
1. Criterios xenerales de los sistemes de seguridá de toles puertes de los Centros.
La Xerencia retruca como criteriu xeneral l'abordar la cuestión de l@s residentes errantes compaxinando códigos y sistemes sonoros y la instalación de códigos n'ascensores. Fairase un informe completu de la situación de toles Residencies del ERA.
2. Proponse dende'l CE (Comité de Empresa), crear un stock de bombes d'alimentación propiu del ERA.
La Xerencia opina que nun yer posible mantener un stock de bombes d'alimentación por ser mui cares, nun tener mantenimientu propiu y por problemes d'innovación continua por ser propiedá de les empreses que distribuyen diches alimentaciones. Sí s'acuerda que la tardanza na adxudicación de diches bombes seya la menor posible.
3. Información sobre'l reglamentu de Drechos y Deberes de los familiares.
La Xerencia comprométese a crear un Códigu Éticu pa facilitar el trabayu de tol@s profesionales. Cuando tea fináu'l borrador, pasarase una copia al Comité d'Empresa pa posibles alegaciones.
Pa ver el ENTÉRATE COMPLETO, colos asuntos de cada Centru,CONVOCADA LA PRIMER PREBA DE LA OPOSICIÓN DE AUXILIARES EDUCADORES
Publicóse la Resolución de la Conseyería de Facienda y Seutor Públicou pola que s'aprueben les llistes d'almitíos y excluyíos, dase un plazu de DIEZ DÍES pa subsanar errores, nomase'l Tribunal Calificador, y fixase la PRIMER PREBA (namás pa TURNU LLIBRE) pal día:
Pa ver y/o descargar LA RESOLUCIÓN DE LA CONSEYERÍA
Pa ver y/o descargar LA LLISTA PROVISIONAL d'ALMITÍOS Y EXCLUYÍOS
DENDE AGORA LOS ANTICIPOS REINTEGRABLES TRIBUTARÁN PA FACIENDA Y LA SEGURIDÁ SOCIAL
APROBAES Y ESPUBLIZAES LES TABLES SALARIALES 2017 PAL PERSONAL LLABORAL
Face-y alcordanza que tienen efeutos dende'l 1 de xineru, polo que tolos que tuviérais rellación llaboral col ERA dende esa fecha, tenéis que recibir los atrasos correspondientes
Pa ver y/o descargar les tables completes,
CALENDARIU DE FIESTES LLOCALES D'ASTURIES 2018
Nesti enllaz podéis ver y descargar les páxines del BOPA onde s'oficializa'l calendariu de festivos llocales pal añu 2018
Pa ver la correición del error nes Fiestes llocales de Samartín del Rei Aurelio
PLENU MIXTU DEL COMITÉ D'EMPRESA CON XERENCIA, 12 DE XUNETU DE 2017
Información del desendolcu les obres y la previsión de puesta en funrrulamientu del Naranco y Llugones:
Con respeutu al Naranco la previsión de fin d'obra ye pal 19 d'avientu 2017, en 2018 presupuestarase'l equipamientu y nel segundu semestre'l 2018 abrirase la residencia. La idega ye que la creación de plazas tea nel presupuestu'l 2018. Sedrán 166 places de residencia y 60 nel C.D. que s'abrirá con 30 places. El 60% los cuartos sedrán individuales. La previsión de puestos de trabayu ye de 100. Costes: lleven casi 5 millones de € y queden pendientes 1.400.000€.
Respeuto a la residencia Llugones ta espublizáu'l contratu pala realización del proyeuto y direición d'obra, fina'l plazu pa presentar ofertes el 31 de xunetu, crearase un comité d'espertos y el proyeutu entregarase a finales d'añu. La llicitación sedrá en 2018 y ente'l 18 y 19 finará la obra. Sedrán 120 places residenciales col 60% de los cuartos individuales.
Entrega d'estudiu económicu de privatización de places d'operarios:
Nun darán l'estudiu económicu; la xerente diz que trátase d'un modelu de xestión y una decisión política, recalca que la decisión ta tomada.
Stock de pieces d'ascensores:
Diz tener un informe robláu pol téunicu onde diz que nun ye recomendable tener pieces en stock, dau que cada ascensor tien una tipoloxía. Modificarase la instrucción anterior que llimitaba mercar direutamente a pieces dica 1000 euros y ampliarase dica 5000 euros.
La Pola Sieru, la direición nun entrega la cartelera al personal contratáu por acúmulos, entregase-yos incluso selmana a selmana:
La xerente diz que llegó a un alcuerdu cola direutora de Sieru pa dar la cartelera mes a mes, nel C.E mostrámonos en desacuerdo dau qu'el plan de vacaciones ta fechu dende cuantayá. La D.X. queda n'enviar dellos correos a les direutores de Sieru y Sotrondiu pa que les explique'l motivu pol que dan asina la cartelera.
Sta. Teresa, retruque al tema de bombes d'alimentación , siguen ensin teneles:
La direutora diz que ye'l mélicu l'hospital quien envía informe de cómo tien que alministrase la alimentación y que nestos casos indica que ye por bolus, explicase-y a la xerente que los bolus pueden alministrarse por bomba y que ye abondo más seguru ya hixiénicu, llegamos a un alcuerdu unánime de que la xerente falará cola direutora pa que s'empleguen les bombes d'alimentación.
Castrillón, excesiva delegación de medicación al personal auxiliar d'enfermería:
La xerente diz que namás se delega la medicación pa residentes encamaos.
ALDERIQUE COL COMPAÑERU CANOR N'ASTURIAS DIARIO
Les primeres prebes ya indicios del ‘casu Villa’ llegaron a la Fiscalía Anticorrupción de Madrid nuna carta roblada -n'ochobre de 2014- por Nicanor González, sindicalista de CSI y trabayador del ERA.
PREVISIONES DEL I.A.A.P. SOBRE CONVOCATORIES Y EXAMENES PA'L 2º SEMESTRE DE 2017
ENLLAZ AL BLOGUE DE LABORO
Nesti blogue podéis facer delles consultes sobre temes llaborales de baldre.
LLIBRU DE COCTELERÍA SOLIDARIA
PLENU MISTU DEL COMITÉ D'EMPRESA CON XERENCIA, 14 DE XUNU
FECHES PRIMER ESAMEN DE OPOSICIONES A COCINERU/A Y D.U.E.
GRAN PITADA POLA XORNADA DE 35 HORES
Participa y que se nos oiga.
"DE LLECTURA OBLIGADA PA TRABAYADORES DEL E.R.A.
Recientemente, apaIció publicada en La Nueva España esta carta, que paeznos abondo interesante pa enteranos de coses que pasen nel nuesu Organismu.
ACTES ROBLAES DEL COMITÉ D'EMPRESA
Entamamos a poner les primeres actes ROBLAES del Comité d'Empresa pal vuesu conocimientu. Podes alcontrales pinchando na seición "Información Sindical", nel llateral d'esta páxina.
SEMEYES CONCENTRACIÓN DELANTRE SANTA TERESA - 17 DE MAYU
Dende l’entamu del pasáu mes d’abril, cada miércoles, vienen desendolcándose dellos actos de protesta a les puertes de la Residencia Santa Teresa, allugada na cai del mesu nome n’Uviéu.
Dempués de meses de griesca y mal ambiente de xera pol tema de la dispensa de medicación a les usuaries y los usuarios del Centru, a la Xerencia l’E.R.A. namás se-y ocurre la brillante idea de pretender camuda-y el contratu a una trabayadora que, pola so cartelera, trabayaba de llunes a vienres, por unu nel que namás trabaye’l fin de semana, lo que resulta nun camudamientu na cartelera del colectivu d’Auxiliares d’Enfermería.
.jpg)
Siguir lleendo...
12 DE MAYU, CONCENTRACIÓN
Un añu dempués del acuerdu algamáu na Xunta Xeneral por tolos grupos parllamentarios (a exceición del PSOE) pa devolver a los emplegaos públicos la xornada llaboral de 35 hores, siguimos ensin tenela. Con esti motivu, el diputáu de Podemos Kike López fairá una interpelación al gobiernu'l vienres día 12 de mayu, recordando-y l'acuerdu tomáu por amplia mayoría na Xunta y pidiendo la so aplicación darréu.
Paeznos un buen momentu pa facer un esfuerciu ente toos y toes pa desixir recuperar la nuesa xornada de 35 h, polo que convocamos, dende los muérganos de representación y dende la CSI, una concentración delantre la Xunta Xeneral esi mesmo día 12 de mayu, en principiu a partir de les 10'30h. Tar atentes y atentos a les convocatories que vamos facer.
Tamién queremos tar presentes nel alderique, asina que los que queráis tar como miembros de la CSI na pecera de la Xunta a lo llargo'l debate tenéis qu'envianos los vuesos datos (nome, apellíos y DNI) llamando al llocal d'Uvieu (985 29 69 64) poles mañanes, enantes del miércoles 10 de mayu.
Ye perimportante que acudas, como dicíamos nesti 1º de mayu:
Tiempu de llucha, Tiempu de nós, ¡¡Toma la cai!!
1º de MAYU
VIDEO DE LA MANIFESTACIÓN DEL 1º DE MAYU
PA VELO, PINCHAManifiestu lleíu al finar la manifestación:
Dende la Corriente Sindical d´Izquierda queremos denunciar una vegada más, que tamos siendo oxetu de la mayor ofensiva escontra la clas obrera dende fai décades.
Pero hai que facer alcordanza de que la Hestoria'l 1º de mayu, dende Los Mártires de Chicago fasta güei, ye la hestoria la organización de los y les trabayadores, y de les clases populares pa enfrentase al capitalismu… al capitalismu y al so proyeutu económicu y social, basáu na inxusticia, la codicia y l'ambición de les ylos más poderosos. La Hestoria'l 1º de mayu ye la HESTORIA'l sindicalismu combativu… esi sindicalismu que va a la griesca polos drechos de la clas obrera y por un mundiu más xusto y más humano, emplegando ferramientes que foron pasando de xeneración en xeneración y que nun son otres que la xunión ente los y les trabayadores, la conciencia de clas, la solidaridá colos que lluchen y el sofitu mutuo.
Siguir lleendo...
VACACIONES
Esti añu, al paecer, hai problemes pa cubrir les vacaciones del personal, polo que num van confirmales fasta asegurarse de cuntar colos sustitutos necesarios. Too esto suena a maniobra de Xerencia pa meter con calzador a xente con otres titulaciones (¿sociosanitarios?) cola escusa de falta de xente na bolsa, aprovechando, amás, cualisquier resquiciu pa nun aconceyar col Comité y esplicanos lo que ta pasando y les medíes que camienten tomar. Llamentable.
Convocatoria de 33 places d'Auxiliares d'Educador y 10 de Veterinarios
Nel BOPA, 18 d'abril de 2017, vien la Resolución de 10 d'abril de 2017, de la Viceconseyería d'Administraciones Públiques, pola que convóquense prebes seleutives pal ingresu na categoría d'Auxiliar Educador. Son 23 places pol turnu de promoción interna y 10 places de turnu llibre.
https://sede.asturias.es/bopa/2017/04/18/2017-04090.pdf
Y Resolución de 10 d'abril de 2017, de la Viceconseyería d'Administraciones Públiques, pola que convóquense prebes seleutives pal ingresu nel Cuerpu de Téunicos/as Superiores, Escala de Veterinarios/es. 10 plazas turno llibre y 2 plazas turno discapacidad.
https://sede.asturias.es/bopa/2017/04/18/2017-04091.pdf
Sigue lleendo...Protesta polos retayos en Santa Teresa
Na mañana de güei, como vien faciendose dende fai selmanes y siguirá faciendose fasta que dalguien tome cartes nel asuntu, les compañeres de Santa Teresa y otres residencies salieron a la cai a protestar polos retayos. ¡¡Nin un pasu p'atrás!!
Ver semeyes...Convocatoria de 13 places de D.U.E. y 9 de cociner@s
Nel B.O.P.A. del 20 de febreru de 2017 convóquense:
PLACES DE D.U.E. (9 de promoción interna, y 4 de turnu llibre)
PLAZU DE PRESENTACIÓN DE SOLICITUES: 20 DÍAS HÁBILES.
Nel B.O.P.A. del 8 de marzo de 2017 convóquense:
PLACES DE COCINERU/A (4 de p.i., 2 de discapacidad y 3 llibres)
PLAZU DE PRESENTACIÓN DE SOLICITUES: 20 DÍAS HÁBILES.
Sigue lleendo...