plantillas web en plantillas web
slide

SEMEYES DE LA CONCENTRACIÓN DELANTRE SANTA TERESA

MIÉRCOLES 17 DE MAYU

Dende l’entamu del pasáu mes d’abril, cada miércoles, vienen desendolcándose dellos actos de protesta a les puertes de la Residencia Santa Teresa, allugada na cai del mesu nome n’Uviéu.

Dempués de meses de griesca y mal ambiente de xera pol tema de la dispensa de medicación a les usuaries y los usuarios del Centru, a la Xerencia l’E.R.A. namás se-y ocurre la brillante idea de pretender camuda-y el contratu a una trabayadora que, pola so cartelera, trabayaba de llunes a vienres, por unu nel que namás trabaye’l fin de semana, lo que resulta nun camudamientu na cartelera del colectivu d’Auxiliares d’Enfermería.

Cellebrose una asamblea cola plantilla afeutada en dicho centru, poco ortodoxa, tou hai que dicilo, na que 12 trabayadores decidieron polos 80 que formen la plantía d’auxiliares nel CPR Santa Teresa y tolo que se consiguió foi acrecentar el maltar ente los auxiliares, que viéronse ensin sofitu dalgún por nun haber unanimidá por parte’l Comité d’empresa, como yera de asperar con un asuntu destes carauterístiques. Namás decidieron sofitar y denunciar esta situación les seiciones sindicalesde CC.OO. USIPA, SAE y C.S.I. que piden el manteminientu de la cartelera roblada al entamu de 2017 na que l’efeutivu cubríase de llunes a vienres.

Puestos en conocimiento los fechos, acudirmos en solidaridá coles compañeres y compañeros auxiliares d’enfermería que trabayen na Residencia Santa Teresa d’Uviéu elmiércoles 17 de mayu pa reclamar, otra vegada más a les puertes de la residencia que NUN VAMOS CONSENTIR MÁS RECORTES NES PLANTÍES, POR PIQUIÑES QUE SEYEN…

Porque siguimos apostando pola NEGOCIACIÓN como forma diálogu, non pola IMPOSICIÓN…

Y porque siguiremos defendiendo unos SERVICIOS PÚBLICOS y DE CALIDÁ pal pueblu asturianu.

DEFIENDE'L TO PUESTU DE TRABAYU